संजय राऊत यांना दिलासा नाहीच; न्यायालयीन कोठडीत इतक्या दिवसांची वाढ!

न्यायालयाने राऊत यांच्या कोठडीत १४ दिवसांची वाढ केली आहे

0

मुंबई : लोकराष्ट्र वृत्तसेवा

शिवसेना नेते आणि खासदार संजय राऊत यांचा ऑर्थर रोड जेलमधील मुक्काम आणखी वाढला आहे. राऊत यांच्या न्यायालयीन कोठडीत १४ दिवसांची वाढ करण्यात आली आहे. पत्रा चाळ जमीन गैरव्यवहार प्रकरणी सध्या ते अटकेत आहेत. न्यायालयीन कोठडीची मुदत संपत असल्याने संजय राऊत यांना आज न्यायालयात हजर करण्यात आलं. यावेळी न्यायालयाने त्यांच्या १९ सप्टेंबरपर्यंत वाढ केली.

गोरेगाव येथील पत्रा चाळ जमीन गैरव्यवहारप्रकरणी ईडीने ३१ जुलै रोजी संजय राऊत यांना अटक केली होती. या घोटाळय़ाप्रकरणी ४ ऑगस्ट रोजी न्यायालयात सुनावणी झाली होती. त्या वेळी त्यांना ८ ऑगस्टपर्यंत ईडी कोठडी सुनावण्यात आली होती. ही मुदत संपुष्टात आल्यानंतर न्यायालयाने आर्थिक गैरव्यवहार प्रतिबंधक कायदा (पीएमएलए) २००२ नुसार राऊत यांना २२ ऑगस्टपर्यंत न्यायालयीन कोठडी सुनावली होती. त्यानंतर संजय राऊत यांची रवानगी आर्थर रोड जेलमध्ये करण्यात आली होती. यानंतर न्यायालयीन कोठडीच ५ सप्टेंबरपर्यंत वाढ करण्यात आली होती.

Get real time updates directly on you device, subscribe now.

Leave A Reply

Your email address will not be published.